Enora Gjura, gazetare terreni e një të përditshmeje në Tiranë, udhëton për shërbimin e saj të radhës në Prishtinë dhe aty rastësia e njeh me një piktor shumë të njohur shqiptar, i cili ka emigruar në Amerikë në fillim të viteve '90. Një tërheqje me shikimin e parë, do t'i përfshijë të dy personazhet në një histori dashurie plot pasion, por asnjëri prej tyre nuk e di deri ku shkon e dukshmja dhe e padukshmja e lidhjes së tyre. Ikjet e shpeshta, do të jenë kinse pezullia që do ta mbajë këtë lidhje dhe rrëfimin e autores në harkun e një viti mes ndalesash të shpeshta psikologjike në sfondin e një shoqërie në tranzicion. Çfarë i mban dhe i ndan dy njerëz të cilët kanë tërheqje njëri ndaj tjetrit? A mjafton vetëm ndjenja? Dashuria, pasioni i verbër, martesa, përkohshmëria. seksi, largësia, ëndrra, loja me tekstin, me nëntekstin dhe me intertekstin, janë ndalesat ku lexuesi duhet të kalojë për të mbërritur në shtresimin e fundmë të filozofisë së autores mbi marrëdhënien më themelore, më të brishtë dhe më të qenësishme të botës: burrë-grua.

HIRI

Donjeta R., një grua e shenjuar nga bukuria dhe talenti, pas shumë vitesh si pianiste në Firence, kthehet në qytezën L. të atdheut të saj, e tërhequr mbase nga kujtimet e hershme. Një mbrëmje ajo gjendet e vdekur në banesën e saj në rrethana të mistershme. Dhjetëvjeçarë më pas, një djalosh i ri që studion për kriminalistikë, zgjedh dosjen e këtij krimi për të mbrojtur diplomën. Ndërkohë që hyn nëpër mjegullën me të cilën është veshur vrasja e gruas së bukur, që dikur e ka tronditur qytezën, djaloshi i ri do të duhet të hyjë edhe vetë në mjegullën e jetës së saj dhe të zbulojë se Donjeta R. ka qenë pjesë e një shoqërie që nuk ishte mësuar mbase të pranonte lehtë praninë e një gruaje të bukur e të talentuar si ajo, as të qenit të saj ndryshe. Kjo rendje e tij drejt së panjohurës, do të ndikojë edhe në marrëdhënien dashurore të jetës së tij. Tensioni mes të dashuruarve të dikurshëm, por dhe mes të dashuruarve të rinj, lidhje që përkojnë me të dyja kohët e historisë sonë, rritet, bashkë me shpërfaqjen e figurës së flurtë të Donjeta R.-së dhe misterit të saj. Ky triller letrar nuk është një histori e rëndomtë mbi vetminë e qenies njerëzore apo veçmas të gruas, por mbi përplasjen mes botëve të ndryshme njerëzore.

VETMI GRUAJE

"Nënat janë emocioni i djemve të tyre, pjesa femërore që bijtë e fshehin nën lëkurë, pasi ato janë gjëja që djemtë nuk do të mund të jenë kurrë" - Po nëse rendi i natyrshëm i jetës, i qëndrimit dhe i ikjes ndryshon, po nëse djemtë do të bien në gjumë para kohe, nëse zëri i tyre do të flejë para kohe dhe pas kësaj nuk do të ketë më zgjim, çfarë janë nënat? Në çfarë kthehet Nëna?Në këtë libër, shkrimtarja Flutura Açka rreket t'i japë përgjigje kësaj pyetjeje duke na bërë pjesë të një rrëfimi i cili është sa personal e intim, po aq edhe universal. Përmasa e dhimbjes përballë asaj të dashurisë, udhëtimi drejt ikjes, rrugëtimi në shtegun e pranimit dhe dinjitetit përballë dobësisë njerëzore me të cilën jemi pajisur që në lindje. Në një udhëtimin të shtrirë sa në hapësira gjeografike, aq edhe në honet e shpirtit, Açka na shkund germ pas germe si lexues, për të kuptuar se çfarë përfaqëson Biri, Nëna dhe Ati si qenie, si institucione jetëshkurtra prej mishi e fryme dhe cila është vlera e kohës që i lidh midis tyre: një kohë e pavëreshme që e nënvlerësojmë.

BIRI

Hardcover 
Fantazma distopike që shfaqen në kohë pandemie, flutura të ardhura nga botëra të tjera, koleksionistë të dehur thikash, gra që ecin pikëpyetjeve të jetës njëlloj si në bulevarde qytetesh e shtigje pyjesh, fatalitete pa kohë që iu fanepsen të gjallëve në fundin e kohës së tyre biologjike, një gjindje plot larushi që ndërton shpesh gjendje surreale, me gjeografi të gjerë të atdheut të autores, Europës së sotme, dhe jo vetëm. Kjo është bota ku pikturohen me nota të stilit të njohur të saj, një galeri qeniesh magjike që e kthejnë këtë libër ndër më të veçantët dhe të rëndësishmit të autores.

Pas suksesit me veprën "Biri", fitues i Çmimit Kombëtar "Proza më e mirë e vitit 2020", Flutura Açka vjen te lexuesi me vëllimin me tregime "Tulipanë të vonuar", ndër më të beftët në listën e gjatë të veprave të saj.

Tulipane Te Vonuar

Planeti ngjyrë uji Tani kemi zbritur në perandorinë e pranimit,
Ku portat janë të ngushta,
dhe ne, shndërruar në frymë, hyjmë,
të prekim kudo,
në shpirtin tënd,
ku pafundësia,
për herë të parë na është kufizuar,
nga eternía e mungesës,
që po ndërtohet,
ngadalë,
pa trajtë,
si amebë makabre,
në shpirtrat tanë,
që të duan,
që të deshën,
e do tët'duan pa fund,
dhe do të ndalin këtyre brigjeve,
këtij planeti ngjyrë uji,
të flasin sy më sy,
me ty.

Roja I Drites

Gedichten bij het verlies van een kind. Vertaling uit het Albanees, geschreven door de Albanees/Nederlandse schrijfster Flutura Açka. Zij verloor in 2018 haar zoon. 
EEN STERKE VROUW

Je bent een sterke vrouw.
Een sterke vrouw.
Sterk.

Zeggen ze mij.

Ik ben een moeder.
Een moeder.
Moeder.

Zeg ik hun.

Smart doorboorde mijn huid van verlangen,
zodat ze verschrompelde en niet meer houdt,
en ik vanbinnen verteer.

Hoeder Van Het Licht

Janë vitet '80 të shekullit XX në Skampis, një qytet shqiptar i kohës së diktaturës. Ira Gjoni, një vajzë shumë e re, jeton në Qytezë, një lokalitet pranë Skampisit, e detyruar nga një "liri" e çuditshme që ia jep një sëmundje e rëndë, të lëvizë nëpër Shqipëri në kërkim të shërimit dhe të zbulimit të pikëpyetjeve të familjes së saj të shkokluar nga fati. Ajo është e bija e një ish – pushtetareje të lartë, e rrëzuar për shkak të një gabimi "politik". Një tjetër vajzë, Klara Daiu, një aktore e talentuar dhe e suksesshme, është e detyruar të ndjekë të njëjtin rrugëtim, për arsye të përafërta. Ajo është bartëse e një dashurie të pamundur që bëhet thelbi i jetës së saj.
Një skulptor me ide të çuditshme vegjeton në qytet në kërkim të identitetit të tij krijues. Ai është ithtar i Anarkisë dhe i grishjes substanciale të lirisë dhe petku i artistit të parealizuar dhe të diktuar do ta shqetësojë shpesh. Karakteret e këtij romani takohen mes tyre dhe nëpër rastësi ngrejnë jetën njerëzore me një të përditshme të gjallë mes absurdit dhe tragjedisë.
"Ku je?" është një sagë e diktaturës që përfshin gati një qytet të tërë, e rrëfyer nga një prej dëshmitareve të asaj kohe. Nga dritaret e fëmijërisë së dikurshme, që përtej kureshtjes e ndihmuan të skanonte kohën në të cilën rritej, autorja sjell një fiction plot ngjarje, jetë, dramë, komedi, dhimbje, dhunë, dashuri dhe ethe padurimi, nëpër spirale rrënqethëse mes jetës dhe vdekjes. Ky roman është një klithmë e fuqishme për lirinë dhe dashurinë.


Flutura Açka (Elbasan, 1966) është poete, shkrimtare dhe botuese. U diplomua për Statistikë në Fakultetin Ekonomik të Universitetit të Tiranës më 1988 dhe për Gjuhë – Letërsi në 2001 në Universitetin e Elbasanit. Pas studimeve universitare, punoi për disa vite si gazetare dhe më pas administratore dhe redaktore e botimeve në shtëpi botuese. Më 2001, bashkë me të shoqin e saj holandez, ngriti shtëpinë e saj botuese me qendër në Tiranë.
Flutura Açka është shumë e njohur me poezinë dhe prozën e saj. Në vitin 1997 ajo mori çmimin ndërkombëtar "Lira e Strugës" në Netët e Poezisë Strugane ku e ka përfaqësuar poezinë shqipe për disa vite. Në vitin 1998 u zgjodh ndër 13 poetët më të mirë europianë të gjeneratës së re në konkurrimin për çmimin e madh Tivoli – Europa në Itali. Përfaqësohet me poezitë e saj në pjesën më të madhe të antologjive të poezisë shqipe në gjuhë të huaj dhe poezi dhe cikle të saj janë botuar në shumë gjuhë.
Romani i saj i parë "Vetmi gruaje" është përkthyer dhe botuar në vitin 2006 në gjuhën bullgare në një seri me shtatë autorë bashkëkohorë nga Ballkani. Në vitin 2009 mori çmimin "Serembe" për prozën me romanin "Kryqi i harresës". Flutura Açka e ndan jetën e saj mes Tiranës dhe Utrechtit, Holandë.

Ku Je ?

Ne jemi kalimtarë të rastit në magjistralen e madhe e të pafund të kohës dhe përpjekja t'i shmangemi shpesh monotonisë sonë është pandehma e radhës që merr shenjat e ngjarjes kur në të vërtetë në indiferencën e shtrirjes së kohës s'ka qenë veçse një nuancë ndryshe e shpërfilljes që na bën të besojmë se jetojmë kur s'bëjmë gjë tjetër veçse mbledhim ca më shumë harrim dhe kështu një çast më parë kthehet sakaq në një çast më pas duke e brendashkruar ëndrrën tonë në një ëndërr tjetër e cila vetë është brendashkruar diku dhe kjo diku e përfshirë gjithaq në një spirale perspektive të frikshme që e bën kohën edhe më të pafundme nga ç'e rrok dëshira njerëzore që nis nga unë e vazhdon te ti për t'u bartur tek ata të panumërt në linearitetin e saj ose nis nga të panumërtit dhe kthehet te ti për të mbërritur fatalist rishtas tek unë.

Hiri  Vetmi Gruaje

A është ky Atdheu që meritojmë? Një grup kukullash, që një çast të caktuar vendosin të dalin në jetën reale, mëtojnë gjatë nëpër Tiranën e ditëve tona, t'i gjejnë përgjigje pyetjeve që i mundojnë, ato dhe qytetarët e vendit të tyre. A do të munden ato ta krijojnë dhe ruajnë identitetin nëpër këtë Atdhe të munduar nga politika, nga historia dhe kaosi i tranzicionit të gjatë shqiptar??

Kukullat Nuk Kane Atdhe

Për shkak të një fluturimi ajror të mbyllur, një shkrimtare e re gjendet në mes të një historie tronditëse që ngjet mes Shqipërisë dhe Hollandës. Rikthimi i një gjaku gjashtëdhjetë vjeçar, një fëmijë dëshmitar dhe peng i tij, një djalë i ri me dilemat e emigrimit, një dashuri e fuqishme por e dyzuar, një tjetër burrë fatkeq nën hije paranojash, një e huaj në udhëkryqet shqiptare, një famijle, një qytet e më gjerë në "grackën" e Kanunit të Lekë Dukagjinit, si njerëz me fatin e varur te befasia, - plazmojnë bashkë jetën në një libër të vetëm. Fatalitet, rikthim përmbysës i së shkuarës, kërcënimi nga barbaria, shpresë diabolike, marrëzi dashurore, seks, udhëtime të prera, besë, mosbesim, gjak që përzin personazhe të tërë, dy botë që përplasen herë pa u pajtuar herë duke u tretur në një. Ky roman i ri nga Flutura Açka sjell një kryq harrese, me qëllim për të trokitur dhe zgjuar kujtesën kolektive shqiptare.

Kryqi I Harreses

Ftese Per Flirt

Het voorwoord begint met de bespiegeling dat hier ergens in Nederland een landgenoot van de vertelster moet wonen, aan het oog onttrokken door imaginaire bergtoppen en hoge gebouwen. Van tijd tot tijd probeert ze zich de trekken voor de geest te halen van de man met wie ze gedurende vierentwintig uur iets belangrijks deelde, maar die ze waarschijnlijk nooit meer zal zien.

Lista e librave të autorit Flutura Acka

HIRI

VETMI GRUAJE

BIRI

Tulipane Te Vonuar

Roja I Drites

Hoeder Van Het Licht

Ku Je ?

Hiri Vetmi Gruaje

Kukullat Nuk Kane Atdhe

Kryqi I Harreses

Ftese Per Flirt

Kruis Van Vergetelheid

HIRI

VETMI GRUAJE

BIRI

Tulipane Te Vonuar

Roja I Drites

Hoeder Van Het Licht

Ku Je ?

Hiri Vetmi Gruaje

Kukullat Nuk Kane Atdhe

Kryqi I Harreses

Ftese Per Flirt

Kruis Van Vergetelheid